 |
| Foto : Terduga Pelaku Pembunuhan Sadis Pulogadung |
Siporsuk Na Mamora - Ai nungga tarsonggot be daging
dohot tondi mambege baritaon mulai sian ari naung salpu, lao do nian roha gabe
halak hita ma pamunu i ditingki mambege barita pambunuan on sian parjolo, alana
marningot lagu "anak medan", adongdo hubege pulogadung, ai pala
jorbutdo disi nibege sian lagu i, alai di uduti muse, halak hita do ninna
jonggolna disi.
Songonon
ma i angka dongan, angka raja naung apala tarsonggot mambege barita on, ba
bohama bahenon nian, dang tardokkon au sandiri manang aha.
Molo
huingot turi-turian sian angka dongan-dongan pangaratto, jorbut hian do ninna
parngoluan di ranto Jakarta on, simate-mate do ninna, dohot mangalului mangan
pe dang cukkup holan gogo dohot halojaon, ingkon dohot do ninna botohon di
andalhon.
Nian
molo nga taringot tu butuha sanjongkal on, ditamba muse butuha ni angka
dakdanak di jabu, ra tohodo ingkon manangko nama ujungna didok rohana.
Ueeee
tahe, ai boasa pala songonon ate? Molo pe nian manangko, unang pola mamunu nian
ate dongan?
Hu
attusi do nian, molo hubereng sian kejadian di jabu ni pengusaha i, ra dang
apala naeng pate bunu oanna jolma i, didok rohana mangolu do nasida na ni
hurung nai sampe sidung ulaonna mambuat arta ni parjabu i, molo pandapot hu
maksudnadihurung asa boi nasida leluasa mambuat arta ni parjabu i.
Alai
dang panagaman nasida, diluar ni nabinotona, mate do jolma molo kekurang oksigen
manang mate alani marsisosahan di kamar mandi na so adong pentilasi i. Molo
didok rohangku, dang na sengaja halak i mamunu, alani parbinotoanna do naso
sahat tu si dope.
Rap
manangianghon ma hita ate angka dongan, unang pala sai tasosali be apalagi gabe
mamursikhon, gabe parsiajaran ma nian on tu pinompar ni angka halak hita tu ari
nanaeng ro.
Selamat jalan ma dah, tu keluarga sai dilean
angka lasniroha tibu. Mauliate... Horas...!
EmoticonEmoticon